Не стивнуваат реакциите по масакрот во Цетиње во кој Вук Бориловиќ усмрти десет лица, пред да биде убиен.
Сега со писмо се обрати и неговиот брат Бошко кој изрази сочуство до семејствата на жртвите. Вели дека сите биле добри и чесни луѓе и дека не постои ниту еден збор кој може да им ја ублажи болката.
„Доколку во било кој момент забележав дека мојот брат е роден за вакво злосторство, јас лично ќе му пресудев. Не знам каде му е гробот, ниту пак сакам да знам. Цел живот сум растел со несреќен човек без воопшто да знам дека тоа е така. Извинете ме“, пишува братот на монструмот од Цетиње.
Крвавиот поход на Вук започна со убиство на медицинската сестра Наташа Пајовиќ Мартиновиќ и нејзините два сина на возраст од осум и единаесет години кои живееле како кираџии во неговата куќа. Децата починаа на лице место, а нивната мајка им подлегна на повредите во болница. Потоа излезе надвор и отвори оган кон сите што му се најдоа на патот. Усмрти уште седум лица, а рани шест.
Нови детали за трагедијата можете да прочитате ОВДЕ!
Фото: Социјални мрежи
* Текстот не смее да биде преземан без дозвола на редакцијата на МАСТИЛО.
