Прегазеното девојче им било единствено чедо на родителите
Велешанецот кој вчера на улица во градот прегази 11-годишно дете и тешко ја повреди нејзината мајка и понатаму е во бегство.
Полицијата се’ уште не може да го лоцира.
Според последните информации, станува збор за 29-годишниот Ангелче Н., a брзината со која тој го управувал автомобилот е причината за трагедијата која ги вознемири македонските граѓани.
Како што дознава порталот „Дума.мк“, девојчето е единствена ќерка на родителите. Вчеравечер трочленото семејство ја преминувало улицата „Борис Трајковски“ на пешачки премин. Таткото бил само два чекори пред ќерката и сопругата кои се наоѓале на коловозот до самиот тротоар кога патничкото возило „мерцедес“, кое сообраќало со огромна брзина, удрило директно во детето и ја закачило мајката.
Двајцата родители со возило на итна помош биле префрлени во велешката болница. Мајката имала скршеница на ногата и повреди на главата, а таткото бил во состојба на шок со болки во градите.
Фото: Принтскрин/Сител