Нема утеха за семејството од Владичин Хан
Не стивнуваат реакциите во регионот по смртта на четиригодишниот Д.Ѓ. кој почина откако голтна желад во градинка.
Сѐ уште не се познати сите околности како дошло до немилиот настан. Несреќното момче од задушување починало во болница во Ниш.
„Според она што полицијата го видела од надзорните камери, момчето излегло во ходникот и почнало да паѓа. Истражуваме и други детали“, велат надлежните.
Во Владичин Хан владее молк и неверување и е прогласена дводневна жалост.
Д.Ѓ. им било единствено чедо на родителите кои се скршени од болка. За нив едноставно нема утеха.
„Мајката се распаѓа од болка, нема утешни зборови за родителите. Таткото едвај стои на нозе“, вели еден од нивните пријатели.