Се случи Божјо чудо
Нова драматична снимка денеска го обиколи светот откако новороденче беше спасено од урнатините на зграда во северозападна Сирија која се сруши до темел во вчерашниот катастрофален земјотрес.
Видеото на кое се гледа возрасен маж кој носи бебе прекриено со прашина откако било извлечено од урнатините е направено во градот Џиндарис.
Мајката на девојчето починала неколку минути по породувањето. Во земјотресот загинале и таткото, четворицата браќа и сестри и вујната на бебето, сведочат роднините.
„Слушнавме глас додека копавме. Ја расчистивме прашината и го најдовме бебето кое сè уште ја имаше папочната врвка на себе. Ја пресековме и го однесовме во болница“, изјави вујкото Халил ал-Сувади.
Досега се потврдени 7.200 жртви во катастрофалниот земјотрес кој ги погоди Турција и Сирија. Спасувачките екипи се на терен и во тешки зимски услови трагаат по преживеаните.
