Триесет и четиригодишен штипјанец кој бил хоспитализиран неколку дена во Скопје, починал од коронавирусот. Тој бил на респиратор некое време, јавува „Слободен печат“.
За овој пациент на социјалните мрежи беа упатени бројни апели за дарување крвна плазма. Таа беше пронајдена, но не успеа да го спаси младиот живот.
Пациентот е еден од заболените во штипската конфекција кој не успеал навремено да се тестира. Бил женет и татко на двегодишно дете.
Директорот на ГОБ 8 Септември, доктор Кристијан Костов, информира дека синоќа во ковид центарот биле донесени 18 пациенти со тешки пневмонии.