Фантастичен вокал замина во вечноста
Во Прилеп почина Рубин Кантарџиоски-Кантар, пејачот на вокално-инструменталниот состав „Вокс“, бенд составен од музичари, автори и ентузијасти кои беа активни на рок сцената во 80-те и 90-те години на минатиот век.
Во златните години за домашната музичка продукција Кантар остави трага на македонската сцена со својот бенд Don’t!Who!One!
Соработуваше и со култните „Мизар“ на концерти низ регионот.
Со „Вокс“ ги сними албумите „Песни што од секогаш сте сакале да ги слушнете, а не сте имале каде“ ( 2012) и „Теодорова сабота ( 2022). Деновиве се планираше промоција на песната „Тагоре“ со стихови од Рабиндранат Тагоре.
„И така, Рубин, во едно пролетно утро, го испрати својот баршунаст и тажен глас во вечноста! Почивај во мир, друже! Испиј една ракија со Ушко, Милан, Боуви..“, стои во објавата на неговиот матичен бенд.
Фото: Фејсбук
* Текстот не смее да биде превземан без дозвола на редакцијата на МАСТИЛО.