Една од најозборуваните македонски двојки повторно ќе негува љубов на далечина
Македонската врвна алпинистка Илина Арсова им се обрати на фановите и откри дека донела важна животна одлука која воопшто не била лесна.
Партнерката на нашиот легендарен актер и шоумен Игор Џамбазов преку видеопорака се јави од другата страна на светот-од Ноксвил, Тенеси.
„Досега не стигнав официјално да споделам дека добив престижна стипендија за докторски студии и инструкторска позиција на Универзитетот од Тенеси. Оваа одлука не беше лесна во поглед на љубовта и фамилијата која ми недостига во секој миг, сепак овој мој нов Монт Еверест долго беше на листата, па еве му дојде редот. Искрено им благодарам на најблиските и мојот драг Игор Џамбазов за целата поддршка во овој момент, новите почетоците никогаш не се лесни. Знаењето е нашето најголемо богатство, па никогаш не престанувајте да учите“, порача таа од САД.
Љубовта меѓу Џамбазов и Арсова постојано е под будното око на јавноста откако пред две години и двајцата ја потврдија врската. Преку ноќ добија армија фанови на „Инстаграм“, платформа на која секојдневно објавуваат заеднички моменти.
* Текстот не смее да биде преземан без дозвола на редакцијата на МАСТИЛО.