Славниот холивудски актер е во критична, но стабилна состојба
Џереми Ренер тешко се повредил во бизарна несреќа, додека викендов чистел снег, информираат американските медиуми.
„Тој е во критична, но стабилна состојба поради повредите со кои се здоби. Во болница е префрлен со хеликоптер. Семејството е со него и обезбедена му е потребната нега“, пишува „Дедлајн“.
Омилениот акционен херој од големото платно има 51 година. Позади себе има импресивна кариера и дури двапати беше номиниран за „Оскар“.
Џереми е голем љубител на специфична роботика и на машини. На својот имот има и неколку дувачи на снег, а на социјалните мрежи често објавува интересни фотографии со нив.
Засега не е познато како дошло до несреќата и не се вклучени други личности во инцидентот.
Портпаролот на познатиот актер вели дека Ренер е згрижен и се надева дека брзо ќе закрепне.
Фото: Инстаграм
