Американската актерка Линдзи Перлман, најпозната по улогите во телевизиските серии „Чикаго џастис“ и „Емпајер“, е пронајдена мртва во Лос Анџелес, неколку дена откако беше пријавено нејзиното исчезнување.
Пријателите и семејството на 43-годишната Линдзи побараа од јавноста било каква информација за неа откако на 13 февруари не се вратила дома. Последен пат е видена во Холивуд, неколку милји од местото каде е пронајдено телото, соопшти полицијата.
Тажната вест на „Твитер“ ја потврди и нејзината братучетка Савана Перлман.
„Со тага ви соопштувам дека Линдзи е пронајдена, но за жал предоцна. Немам други информации“, напиша таа.
Се огласи и сопругот на Линдзи.
„Полицијата ја пронајде. Почина. Скршен сум“, кратко напиша Венс Смит на „Инстаграм“.
Фото: Инстаграм
* Текстот не смее да биде превземан без дозвола на редакцијата на МАСТИЛО