Ќе те памтиме како прекрасна личност и голем човек. Беше мајка-борец, секогаш со ведар дух. Вака на социјалните мрежи се простуваат со Оливера Крстева Доневска.
Тажната вест ја потврдија и од непрофитната организација Манускрипт-Здружение на писатели. „Патувај мирно. Немаш повеќе битки за војување. Извојува колку за педесет животи. Без тебе овој свет ќе биде многу посиромашен и попразен. Збогум наша, мила Оле, можеби повторно ќе се најдеме некогаш во некој поубав свет. Веќе многу недостасуваш!“, стои во нивната објава.
И познатите Македонци со емотивни посвети се простуваат од Оливера.
„Денес отпатува во вечноста нашата Оле. Почивај покрај твојот ангел. Царство Небесно“, напиша на „Фејсбук“ пејачката и хуманистка Ребека Јанковска Ристески.
Познатиот писател Драган Танески, пак, ѝ посвети песна.
„Гледаш.. не снемува еден по еден. Малку останавме што во сенките гледаме стари другари, во ветровите-патокази, во пространствата-дом“ се дел од стиховите.
Тони ја загуби најважната битка: Македонија тагува, нека почива во мир!
Со трогателни зборови од Оле се прости и Слаѓана Ставрева.
„Твоите крилја многупати беа искршени, а ти имаше неверојатна сила и моќ да ги зацелиш и повторно да запловиш по небото наречено живот. Овој пат мила ти леташ многу подалеку од сите нас кои те сакаме. Леташ кон ангелите, зошто таму и припаѓаш, жено-ангел, што долета на земјава за да ни покажеш како треба да се љуби, бескрајно“, е само мал дел од посветата.
Ј.П.
Фото: Фејсбук
* Текстот не смее да биде превземан без дозвола на редакцијата на МАСТИЛО.
