Под мотото „Тоше има само датум на раѓање“, фановите на непрежалениот македонски пејач секоја година го одбележуваат неговиот роденден.
Тоше Проески денеска ќе наполнеше 42, а со емотивна објава се огласи неговата сестра Дора.
Таа ја запази традицијата, па и оваа година објави фотографија со роденденската торта што ја направила.
„Омилена му беше тортата со урми или со вишни. На својот роденден ни даваше подароци на сите. Мене ми купуваше парфем, бидејќи знаеше дека тој подарок многу ќе ме израдува. На мајка ми марама или блуза, а на татко ми шише ексклузивно вино. На децата им подаруваше играчки и гардероба. Ние му велевме „тебе ти е роденден и ние треба да ти дадеме подарок“. А тој возвраќаше: „секогаш на мојот роденден и вие ќе добивате подароци од мене“. Таков беше мојот брат. Човек со големо срце“, откри Дора во едно нејзино постаро интервју.